நீங்கள் தேடியது "வைத்திலிங்கம் எம்பி"

தஞ்சாவூர்:

தஞ்சை பழைய பஸ் நிலையத்தில் இன்று செய்தி மக்கள் தொடர்பு துறை சார்பில் அ.தி.மு.க. அரசின் 2-ம் ஆண்டு சாதனை விளக்க புகைப்பட கண்காட்சி தொடங்கப்பட்டது.

இந்த கண்காட்சியை கலெக்டர் அண்ணாதுரை தலைமையில் அமைச்சர் துரைகண்ணு, வைத்திலிங்கம் எம்.பி., ஆகியோர் திறந்து வைத்தனர். நிகழ்ச்சியில் பட்டுகோட்டை எம்.எல்.ஏ. சி.வி.சேகர், மாவட்ட பால்வள தலைவர் காந்தி, உள்பட பலர் கலந்து கொண்டனர்.

பின்னர் நிருபர்களுக்கு வைத்திலிங்கம் எம்.பி. பேட்டியளித்தார்.

வரும் பாராளுமன்ற தேர்தலில் அ.தி.மு.க கட்சியோடு கூட்டணி சேர மற்ற கட்சிகளோடு தொடர்ந்து பேச்சுவார்த்தை நடந்து வருகிறது. ஜெயலலிதாவின் ஆத்மா எங்களை வழி நடத்துகிறது. இதனால் தான் 2 ஆண்டுகளாக அ.தி.மு.க. ஆட்சியை கலைக்க டி.டி.வி. தினகரன் உள்ளிட்ட சிலரால் முடியவில்லை. எந்த கட்சி தான் எந்த கட்சியை விமர்சனம் செய்யாமல் இருந்துள்ளது. எனவே கூட்டணி என்பது வேறு, விமர்சனம் என்பது வேறு.

தே.மு.தி.க. இடைதேர்தலில் எம்.எம்.ஏ. மற்றும் மாநிலங்களவையில் எம்.பி. சீட் கேட்பதால் தான் அவர்களுடன் கூட்டணியில் இழுபறி என கருத்து நிலவுகிறதே என நிருபர்கள் கேட்டதற்கு, இதையெல்லாம் நாங்கள் வெளியில் சொல்ல முடியாது. இது ரகசியமானது.

கூட்டணி பற்றி ஒவ்வொரு அமைச்சரும் ஒவ்வொரு கருத்துகளை கூறுகிறார்களே? என்ற கேள்விக்கு முதல்- அமைச்சர், துணை முதல்-அமைச்சர் என்ன சொல்கிறார்களோ அது தான் கட்சியின் இறுதியான கருத்து.

இவ்வாறு அவர் கூறினார். #admk #dmdk #parliamentelection

தஞ்சாவூர்:

தஞ்சை தெற்கு மாவட்ட அ.தி.மு.க சார்பில் முன்னாள் முதல்-அமைச்சர் ஜெயலலிதாவின் 71-வது பிறந்தநாளையொட்டி தஞ்சை ஆப்ரஹாம் பண்டிதர் சாலையில் பட்டிமன்றம் நடைபெற்றது.

பட்டிமன்றத்திற்கு அ.தி.மு.க. கொள்கைபரப்பு துணை செயலாளரும், தேர்தல் பிரசார குழு பொறுப்பாளருமான வைகைசெல்வன் நடுவராக பங்கேற்றார். அ.தி.மு.க துணை ஒருங்கிணைப்பாளரும், தஞ்சை தெற்கு மாவட்ட அ.தி.மு.க செயலாளருமான வைத்திலிங்கம் எம்.பி. பட்டிமன்றத்தை தொடங்கி வைத்தார். விழாவில் கு.பரசுராமன் எம்.பி மற்றும் அ.தி.மு.க நிர்வாகிகள் பலர் கலந்து கொண்டனர்.

அதனை தொடர்ந்து வைத்திலிங்கம் எம்.பி. நிருபர்களுக்கு பேட்டியளித்தார். அப்போது அவர் கூறியதாவது:-

1967-ம் ஆண்டு முரண்பட்ட கொள்கை படைத்த அண்ணாவும், ராஜாஜியும் கூட்டணி சேர்ந்தனர். அதற்கு முன்பு வரை கருத்து வேறுபாடுகளால் கடுமையாக விமர்சனம் செய்து வந்தனர். அவர்கள் கூட்டணி சேர்ந்ததால் அப்போது யாரும் கடுமையான வார்த்தைகளை உச்சரிக்கவில்லை. கடுமையாக விமர்சனம் செய்த இந்திராகாந்தியை 1980-ம் ஆண்டு பாராளுமன்ற தேர்தலில் நேருவின் மகளே வா. நிலையான ஆட்சி தா? என அழைத்து கூட்டணி சேர்ந்தார் கருணாநிதி.

அப்போது கருணாநிதியை யாரும் விமர்சனம் செய்யவில்லை. ஆனால் அ.தி.மு.க.வுடன் கூட்டணி வைத்த டாக்டர் ராமதாசுவை மு.க.ஸ்டாலின் விமர்சித்து இருப்பது அவரது அறியாமையை காட்டுகிறது. நிறைய மாநில கட்சிகளுடன் பேச்சுவார்த்தை நடக்கிறது. பேச்சுவார்த்தை முடிந்தவுடன் கூட்டணி குறித்து அறிவிப்போம். பாராளுமன்ற தேர்தலில் தமிழகம்-புதுச்சேரியில் உள்ள 40 தொகுதிகளிலும் அ.தி.மு.க. கூட்டணிக்கு வெற்றி வாய்ப்பு பிரசாகமாக உள்ளது.

இவ்வாறு அவர் கூறினார். #parliamentelection #vaithilingammp #admk

சென்னை:

பாராளுமன்ற தேர்தலுக்கு கூட்டணி அமைப்பதில் அ.தி.மு.க. ரகசிய பேச்சு வார்த்தை நடத்தி வருகிறது. தமிழகத்தில் அ.தி.மு.க., பா.ஜனதா தலைமையில் ஒரு அணியும், தி.மு.க.-காங்கிரஸ் தலைமையில் மற்றொரு அணியும் உருவாகி வருகிறது.

இதேபோல் டி.டி.வி. தினகரன் தனி அணியை உருவாக்கும் முயற்சியில் ஈடுபட்டு உள்ளார். மக்கள் நீதி மய்யம் தலைவர் கமல் ஹாசன் தனியாக தேர்தலை சந்திக்க உள்ளார்.

ஆளும் கட்சியான அ.தி.மு.க. தலைமையிலான கூட்டணியில் பா.ஜனதா, பா.ம.க., தே.மு.தி.க. கட்சிகளை சேர்க்க ரகசிய பேச்சு வார்த்தை நடந்து வருகிறது.

கட்சியின் ஒருங்கிணைப்பாளர் துணை முதல்- அமைச்சர் ஓ.பன்னீர் செல்வம், இணை ஒருங்கிணைப்பாளர் முதல்-அமைச்சர் எடப்பாடி பழனிசாமி, துணை ஒருங்கிணைப்பாளர் கே.பி.முனுசாமி, வைத்திலிங்கம் எம்.பி. ஆகியோர் கூட்டணி குறித்து மற்ற கட்சிகளுடன் பேச்சு வார்த்தை நடத்தி வருகிறார்கள்.

இதில் எந்தெந்த கட்சிகளுக்கு எத்தனை தொகுதிகள் என்ற விவரம் இறுதி செய்யப்பட்டு வருகிறது.

இதுகுறித்து அ.தி.மு.க. துணை ஒருங்கிணைப்பாளரும், தொகுதி பங்கீட்டு குழு உறுப்பினருமான வைத்திலிங்கம் எம்.பி.யிடம் நிருபர்கள் கேட்ட கேள்விகளும், அதற்கு அவர் அளித்த பதில்களும் வருமாறு:-

கே:- அ.தி.மு.க. கூட்டணி பேச்சு வார்த்தை எந்த அளவில் உள்ளது. பாரதீய ஜனதா, பா.ம.க., தே.மு.தி.க. கட்சிகளுடன் பேச்சு வார்த்தை நடக்கிறதா?

ப:- கூட்டணி பேச்சுவார்த்தை நடந்து கொண்டிருக்கிறது. பேச்சு வார்த்தை முடிந்தவுடன் அறிவிப்பு வரும்.

கே:- அ.தி.மு.க. எந்தெந்த கட்சிகளுடன் பேசி வருகிறது?

ப:- நீங்கள் சொன்ன கட்சிகளுடன் (பா.ஜனதா, பா.ம.க., தே.மு.தி.க.) பேசி வருகிறோம்.

கே:- குறிப்பாக பாரதீய ஜனதா, கூட்டணி பேச்சு வார்த்தையில் வலுவாக உள்ளதா? அ.தி.மு.க. இதில் மவுனமாக உள்ளதே? மவுனத்துக்கான காரணம் என்ன?

ப:- கட்சியின் ஒருங்கிணைப்பாளர் ஓ.பன்னீர் செல்வம் ஏற்கனவே இது குறித்து கூட்டணி பேச்சு வார்த்தை ரகசியமாக நடப்பதாக சொல்லி உள்ளார். பேச்சுவார்த்தை முடிந்தவுடன் வெளிப்படையாக சொல்லி விடுவார்கள்.

கே:- இதில் காலதாமதம் ஏற்படுவதற்கான காரணம் என்ன?

ப:-இன்னும் தேர்தல் தேதியே அறிவிக்காத நிலையில் கால தாமதம் என்ற பேச்சுக்கே இடமில்லை. பேச்சுவார்த்தை தொடர்ந்து நடந்து கொண்டிருக்கிறது. இப்போது இவ்வளவுதான் சொல்ல முடியும்.

இவ்வாறு அவர் கூறினார்.

அ.தி.மு.க. கூட்டணியில் பா.ஜனதா, பா.ம.க., தே.மு. தி.க. கட்சிகளுடன் கொங்கு நாடு மக்கள் தேசிய கட்சி, இந்திய ஜனநாயக கட்சி, புதிய தமிழகம், புதிய நீதிக்கட்சி ஆகிய கட்சிகளும் இடம் பெறும் என தெரிகிறது. #vaithilingammp #admk #parliamentelection

தஞ்சாவூர்:

தஞ்சை மருத்துவக் கல்லூரி 3-வது கேட் முன்பு அ.தி.மு.க. சார்பில் எம்.ஜி.ஆர். பிறந்தநாள் விழா பொதுக்கூட்டம் நடந்தது. கூட்டத்தில் துணை ஒருங்கிணைப்பாளர் ஆர்.வைத்திலிங்கம் எம்.பி., அமைச்சர் துரைக்கண்ணு ஆகியோர் கலந்து கொண்டு பேசினர்.

காங்கிரஸ் கட்சியில் இருந்த எம்.ஜி.ஆர்., அண்ணாவின் பேச்சாற்றலால் அ.தி.மு.க.வில் தன்னை இணைத்துக்கொண்டார். அவர், அண்ணாவின் கொள்கைகளை திரைப்பட வசனம், பாடல்கள் மூலம் பட்டி, தொட்டி எங்கும் பரப்பினார். முதன் முதலில் தி.மு.க. ஆட்சிக்கு வர காரணமாக இருந்தவர் எம்.ஜி.ஆர். படித்தவர்கள் மத்தியில் அண்ணாவின் பேச்சாற்றல் மூலம் தி.மு.க. கொள்கை சென்றடைந்தது என்றால் அந்த கொள்கையை படிக்காதவர்கள் மத்தியில் கொண்டு சென்றவர் எம்.ஜி.ஆர். தான்.

தி.மு.க. வளர, ஆட்சிக்கு வர துணை நின்றார். அ.தி.மு.க.வை தொடங்கிய அவர், ஆட்சிக்கு வந்தவுடன் ஏழைகளுக்கு நல்ல திடங்களை கொண்டு வந்து மக்கள் மனதில் நீங்கா இடம்பிடித்தார்.

அ.தி.மு.க. இரண்டாக பிரிந்து இருக்கிறது. அடுத்து ஆட்சிக்கு வந்துவிடலாம் என மு.க.ஸ்டாலின், ஊராட்சி சபை கூட்டங்களை நடத்தி வருகிறார். எங்களிடம் சேதாரம் தான் ஏற்பட்டு இருக்கிறது. சிதறி கிடப்பவர்கள் காந்த துகளை போல் ஒட்டி கொள்வார்கள். எங்களுக்கு தி.மு.க.வே எதிரியாக இல்லாதபோது, ரஜினி, கமல்ஹாசன் கட்சி ஆரம்பித்தாலும், டி.டி.வி. தினகரனின் அம்மா மக்கள் முன்னேற்ற கழகமும் எங்களுக்கு தூசிதான். கொடநாடு கொலை- கொள்ளை வழக்கில் முதல்-அமைச்சர் எடப்பாடி பழனிசாமியை சம்பந்தம் இல்லாமல், நாடாளுமன்ற தேர்தலுக்காக மு.க.ஸ்டாலின் இணைத்து பேசுகிறார். இதில் சிறிதளவும் உண்மை இல்லை. மடியில் கனம் இல்லை. எதையும் சந்திக்க தயாராக இருக்கிறோம். வரும் நாடாளுமன்ற தேர்தலில் அமோக வெற்றி பெறுவோம்.

எங்களை விட்டு பிரிந்து தவறான பாதைக்கு சென்றவர்களை வாருங்கள் என இருகரம் கூப்பி அழைக்கிறோம். அ.தி.மு.க.வில் யார் வேண்டுமானாலும் தலைமை பொறுப்புக்கு வரலாம். குடும்ப வாரிசுக்கு இடம் கிடையாது. அ.தி.மு.க. ஆட்சியை யாராலும் கவிழ்க்க முடியாது.

இவ்வாறு அவர் பேசினார்.

தஞ்சாவூர்:

முன்னாள் முதல்- அமைச்சர் அண்ணாவின் பிறந்த நாள் விழா பொதுக்கூட்டம் அ.தி.மு.க. சார்பில் தஞ்சையில் நடைபெற்றது. இதில் கழக துணை ஒருங்கிணைப்பாளர் வைத்திலிங்கம் எம்.பி., முன்னாள் அமைச்சர் அக்ரி கிருஷ்ணமூர்த்தி, திரைப்பட நடிகர் சிங்கமுத்து ஆகியோர் கலந்து கொண்டு சிறப்புரை ஆற்றினார்கள்.

நிகழ்ச்சியில் பரசுராமன் எம்.பி., பால் வளத்தலைவர் காந்தி, மத்திய கூட்டுறவு வங்கி தலைவர் துரை.திருஞானம், முன்னாள் மேயர் சாவித்திரி கோபால், முன்னாள் ஊராட்சி குழு தலைவர் அமுதா ரவிச்சந்திரன், பகுதி செயலாளர்கள் அறிவுடைநம்பி, புண்ணியமூர்த்தி, சரவணன், ரமேஷ், காவேரி சிறப்பங்காடி தலைவர் பண்டரிநாதன், ஒன்றியச் செயலாளர்கள் துரைவீரணன், தனபால், முன்னாள் மாவட்ட குழு உறுப்பினர் தம்பித்துரை, ஒன்றிய துணைத் தலைவர் இளவரசி கலியமூர்த்தி உள்பட பலர் கலந்து கொண்டனர்.

இதைத்தொடர்ந்து வைத்திலிங்கம் எம்.பி., பேசும் போது கூறியதாவது:-

மத்தியில் நடந்த காங்கிரஸ் கட்சியில் திட்டமிட்டு நாடகமாடி 1½ லட்சம் ஈழ தமிழர்களை கொன்று குவித்தனர். ராஜபக்சே தற்போது சொல்கிறார் அந்த போரில் எங்களுக்கு இந்திய அரசு உதவியது என்று, இந்திய அரசு என்றால் காங்கிரஸ் கட்சியும், அதனுடன் கூட்டணி வைத்திருந்த தி.மு.க.வும் தான். இவர்கள் தமிழ் இனத்துக்கே துரோகம் இழைத்து வே‌ஷம் போட்டு வருகின்றனர்.

எல்லாவற்றிலும் ஊழல் செய்துவிட்டு ஊழலை பற்றி பேசுவதற்கு ஸ்டாலினுக்கு எந்த தகுதியும் இல்லை. நான் சட்டமன்றத்தில் பலமுறை ஸ்டாலினுடன் நேருக்குநேர் ஊழல் பற்றிய விவாதத்தை பேசி இருக்கிறேன்.

இந்தநிலையில் மொழி பற்றி பேசுவதற்கும், தமிழ் இனத்தை பற்றி பேசுவதற்கும், குடும்ப அரசியல் பற்றி பேசுவதற்கும், தி.மு.க.விற்கு எந்த தகுதியும் இல்லை. தி.மு.க. இப்போது கருணாநிதியின் குடும்ப சொத்தாக மாறிவிட்டது. குடும்ப உறுப்பினர்களே பொறுப்பில் உள்ளனர்.

இந்த நிலையில் தி.மு.க. தினமும் ஒரு அ.தி.மு.க. அமைச்சர்கள் மீது ஊழல் பற்றி பேசி வருகிறது. இதை எல்லாம் தமிழக மக்கள் மறந்து விடமாட்டார்கள். மறைந்த ஜெயலலிதா நீதிமன்றம் சென்று நிரபராதி என்று நிரூபிப்பதற்குள் அவரை சூழ்ச்சி செய்து விட்டார்கள்.

அவரை சூழ்ச்சி செய்தவர்கள் இப்போது சந்தியில் நிற்கிறார்கள். ஜெயலலிதா மரணத்திற்கு காரணமானவர்களை அவரது ஆத்மா சும்மா விடாது. இப்போதும் அவர்கள் அதனை அனுபவித்துக் கொண்டுதான் இருக்கிறார்கள்.

இந்த இயக்கத்தையும், ஜெயலலிதாவின் ஆட்சியையும் யாராலும் ஒன்றும் செய்ய முடியாது. தினகரனோ இல்லை ரஜினி, கமல், ஸ்டாலின் என்று யார் வந்தாலும் ஒன்றும் செய்ய முடியாது. இந்த ஆட்சி ஜெயலலிதா கூறியது போன்று இன்னும் 100 ஆண்டுகாலம் எழுச்சியோடு செயல்படும்.

இவ்வாறு அவர் கூறினார். #mkstalin #vaithilingammp #congress